پاکستانکھیل

یقین ہے پاکستانی ٹیم ایشیا کپ جیت کر لوٹے گی، پرویز الہٰی کی رمیز راجہ سے گفتگو

وزیراعلیٰ پنجاب پرویز الہٰی نے کہا ہے کہ یقین ہے کہ پاکستانی ٹیم ایشیا کپ جیت کر وطن لوٹے گی،میری دعائیں اور نیک خواہشات پاکستانی ٹیم کے ساتھ ہیں۔

انہوں نے یہ بات پاکستان کرکٹ بورڈ کے چیئرمین رمیز راجہ سے ملاقات کے دوران کہی۔ ملاقات میں پنجاب میں کھیلوں خصوصا کرکٹ کو فروغ دینے کیلئے اقدامات پر تبادلہ خیال کیا گیا۔

ملاقات میں پنجاب کے دور دراز علاقوں کے نوجوانوں کو کھیل کے مواقع فراہم کرنے پر بھی گفتگو کی گئی۔

چودھری پرویز الہٰی نے کہا کہ پنجاب میں کرکٹ کا بے پناہ ٹیلنٹ موجود ہے، سپورٹس کو نچلی سطح پر فروغ دینے کیلئے نوجوانوں کی حوصلہ افزائی کی جائے گی۔

انہوں نے کہا کہ کرکٹ کے فروغ کیلئے پی سی بی کے ساتھ مل کر اقدامات کئے جائیں گے،پنجاب حکومت ینگ ٹیلنٹ کو سامنے لانے کیلئے اقدام اٹھائے گی۔ پاکستان کے لوگ کھیلوں سے محبت کرتے ہیں۔

اس موقع پر چیئرمین پی سی بی رمیز راجہ نے اظہار خیال کرتے ہوئے کہا کہ چودھری پرویز الہٰی کا سپورٹس کے فروغ کیلئے ویژن قابل تحسین ہے۔

ان کا کہنا تھا کہ پی سی بی کرکٹ کےکھیل کےفروغ کیلئےاقدامات تسلسل کےساتھ جاری رکھےگا۔

متعلقہ پوسٹ

جواب دیں

آپ کا ای میل ایڈریس شائع نہیں کیا جائے گا۔

Back to top button