سائنس و ٹیکنالوجی

دنیا کی پہلی اڑنے والی موٹر سائیکل متعارف

واشنگٹن: جاپانی کمپنی نے دنیا کی پہلی اڑنے والی موٹر سائیکل کا امریکہ میں کامیاب تجربہ کر لیا۔

غیر ملکی خبر رساں ایجنسی کے مطابق اب موٹر سائیکل بھی طیاروں کی طرح اڑا کرے گی۔ فلائنگ بائیک اسٹارٹ اپ نامی جاپانی کمپنی نے بنائی ہے جو 40 منٹ تک ہوا میں اڑنے کی صلاحیت رکھتی ہے۔

ہوا میں اڑنے والی بائیک کی زیادہ سے زیادہ رفتار 62 میل فی گھنٹہ ہے اور اس بائیک کو “اسٹار وارز” سے متاثر ہو کر تیار کیا گیا ہے۔ فلائنگ بائیک کو امریکہ میں ڈیٹرائیٹ آٹو شو کے موقع پر متعارف کرایا گیا۔

جاپانی کمپنی کی تیار کردہ ہوور بائیک 40 منٹ تک 62 میل فی گھنٹہ کی رفتار سے پرواز کر سکتی ہے۔

آٹو شو انتظامیہ کے رکن جنہوں نے فلائنگ بائیک کو اڑا کر ٹیسٹ کیا ان کا کہنا تھا کہ میں خود کو 15 سال کا محسوس کر رہا ہوں اور ایسا لگ رہا ہے جیسے میں اسٹار وارز میں اپنی بائیک پر سفر کررہا ہوں۔

ان کا کہنا تھا کہ بائیک کو چلاتے ہوئے میرے رونگٹے کھڑے ہو گئے تھے اور میں خود کو چھوٹا سا لڑکا سمجھنے لگا تھا۔

واضح رہے کہ مذکورہ موٹر سائیکل کو جاپان میں فروخت کے لیے پیش کیا جا چکا ہے اور کمپنی کے سی ای او کا کہنا تھا کہ اس بائیک کو 2023 میں امریکہ میں فروخت کے لیے پیش کیا جائے گا۔

فلائنگ بائیک کی تعارفی قیمت 7 لاکھ 70 ہزار ڈالر رکھی گئی ہے تاہم مذکورہ کمپنی 2025 تک ایک چھوٹا الیکٹرک ماڈل بھی تیار کرنے کی خواہشمند ہے جس کی قیمت 50 ہزار ڈالر تک ہونے کا امکان ہے۔

متعلقہ پوسٹ

جواب دیں

آپ کا ای میل ایڈریس شائع نہیں کیا جائے گا۔

Back to top button