بھارتی کرکٹ بورڈ نے آئندہ سال پاکستان میں شیڈول ایشیا کپ کے لیے دوہ پاکستان کو اپنےایجنڈے میں شامل کر لیا ہے۔
میڈیا رپورٹس کے مطابق بھارتی کرکٹ بورڈ نے آئندہ سال پاکستان میں کھیلے جا رہے ایشیا کپ میں شرکت کے لیے دورہ پاکستان کو اپنے ایجنڈے میں شامل کر لیا ہے۔
اس حوالے سے بی سی سی آئی کا کہنا ہے کہ دورہ پاکستان کو اپنے ایجنڈے میں شامل کیا ہے، 18 اکتوبر کو بی سی سی آئی کی سالانہ میٹنگ میں ایشیا کپ کا معاملہ اٹھایا جائے گا۔
بھارتی کرکٹ بورڈ کے مطابق بی سی سی آئی کو اپنی ٹیم پاکستان بھیجنے پر کوئی اعتراض نہیں ہے تاہم ٹیم کی ایشیا کپ میں شرکت حکومتی اجازت سےمشروط ہوگی۔
؎بی سی سی آئی کے مطابق اگر بھارتی حکومت نے ٹیم کو پاکستان بھیجنے کی اجازت نہ دی تو پھر ایشیا کپ کو متحدہ عرب امارات منتقل کرانے پر زور دیں گے۔
واضح رہے کہ 2008 میں ممبئی واقعات کے بعد سے پاکستان اور بھارت کے مابین دو طرفہ کرکٹ روابط منقطع ہیں اور گزشتہ 14 سالوں کے دوران کرکٹ کی دو بڑے ممالک صرف آئی سی سی یا اے سی سی ایونٹ میں مدمقابل آئے ہیں۔
