مظفرگڑھ, تھانہ شہر سلطان کے علاقے ڈمروالہ میں کیپٹن بن کر اور آفیسر کی دھاک بیٹھا کر تفتیش میں اثر انداز ہونے والا فراڈیہ قانون کے شکنجے میں آگیا ایس ایچ او شہر سلطان ملک ایوب چھجڑہ نے جعلی کیپٹن ملزم کو گرفتار کر کے مقدمہ درج کر لیا،
تفصیل کے مطابق پولیس افسر کو کیپٹن بن کر بلیک میل کرنے والے نوسرباز کو تھانہ شہر سلطان کے علاقے ڈمروالہ سے گرفتار کر لیا گیا، پولیس افسر اپنی پولیس ٹیم کے ہمراہ گشت و کناں کر رہے تھے مذکورہ نے آکر اپنے آپ کو آرمی کا کیپٹن ظاہر کر کے پولیس معاملات میں اثر انداز ہونیکی کوشش کی حرکات و سکنات مشکوک ہونے پر جب مذکورہ کو چیک کیا گیا تو بطور کیپٹن اس کا کوئی ریکارڈ نہ ملا، ایس ایچ او تھانہ شہر سلطان ملک محمد ایوب چھجڑہ نے گفتگو کرتے ہوئے کہا کہ مذکورہ پولیس کے روزمرہ معاملات میں کیپٹن کا تعارف کروا کر اثر انداز ہونیکی کوشش کرتا تھا تاہم علاقے سے مزید تصدیق کا بھی آغاز کردیا گیا ہے آیا اس نے لوگوں کے ساتھ بھی تو فراڈ نہیں کیئے ہوئے ملزم کو عدالت سے قرار واقعی سزا دلوائی جائیگی
