کیلیفورنیا: سابق امریکی صدر ڈونلڈ ٹرمپ کے فیس بک اور انسٹا گرام اکاؤنٹس 2 سال بعد بحال کر دیئے گئے۔
غیر ملکی خبر رساں ایجنسی کے مطابق میٹا ترجمان اینڈی اسٹون نے ڈونلڈ ٹرمپ کے اکاؤنٹس بحال کرنے کی تصدیق کر دی۔ گزشتہ ماہ میٹا نے سابق امریکی صدر ڈونلٹ ٹرمپ کے سوشل میڈیا اکاونٹس بحال کرنے کا اعلان کیا تھا۔
واضح رہے کہ ڈونلڈ ٹرمپ کے سوشل میڈیا اکاؤنٹس جنوری 2021 میں ان کے دور صدارت کے آخری ایام میں کیپیٹل ہل پر حملے کے بعد معطل کردیئے گئے تھے۔
میٹا نے ڈونلڈ ٹرمپ کے اکاؤنٹس بحال کرنے کا اعلان کرتے ہوئے کہا تھا کہ اگر سابق صدر نے دوبارہ ان کی پالیسیوں کی خلاف ورزی کی تو ان کے اکاؤنٹس پھر معطل کیے جائیں گے۔
