چیچہ وطنی: فیصل کالونی کا رہائشی غلام مرتضیٰ عرف وقاص بائی پاس روڈ پر واقع پیٹرول پمپ پر ملازمت کرتا ہے اس نے پیٹرول پمپ مالک سے سوا لاکھ روپے کا قرضہ حاصل کر رکھا تھا جس کی واپسی کیلئے اپنے والد اور بھائیوں سے پیسوں کا تقاضہ کرتا تھا پیسے نہ ملنے پر دلبرداشتہ ہو کر اس نے زہریلی گولیاں کھا لیں۔
جسے تشویشناک حالت کے پیش نظر تحصیل ہیڈ کوارٹر ہسپتال چیچہ وطنی لیجایا گیا لیکن ہسپتال عملہ نے روایتی جملہ استعمال کرتے ہوئے کہا کہ اسے ساہیوال لے جاﺅ تو غلام مرتضیٰ عرف وقاص کو فوری طور پر ساہیوال لیجایا گیا جہاں وہ خالق حقیقی سے جا ملا