اسلام آباد: ڈپٹی اسپیکر قاسم سوری نے پاکستان تحریک انصاف (پی ٹی آئی) کے ارکین اسمبلی کے استعفیٰ منظور کر لیے۔
پاکستان تحریک انصاف کے رہنما اور سابق وزیر مملکت فرخ حبیب نے سماجی رابطے کی ویب سائٹ پر لکھا کہ ڈپٹی اسپیکر قاسم سوری نے پی ٹی آئی کے 123 اراکین اسمبلی کے استعفے منظور کرلیے ہیں۔
انہوں نے کہا کہ قومی اسمبلی سیکرٹریٹ نے استعفوں کی منظوری کا نوٹیفکیشن بھی جاری کر دیا ہے۔
فرخ حبیب نے لکھا کہ استعفوں کی منظوری کے باعث ملک میں عام انتخابات ناگزیر ہو چکے ہیں۔
