کراچی: قومی کرکٹ ٹیم کے مایہ ناز باؤلر شاہین شاہ آفریدی کی شادی کی تاریخ طے پا گئی۔
قومی کرکٹ ٹیم کے فاسٹ باؤلر شاہین شاہ آفریدی پاکستان سپر لیگ (پی ایس ایل) سیزن 8 کے شروع ہونے سے پہلے ہی اپنی زندگی کی نئی اننگز کا آغاز کر لیں گے۔
شاہین شاہ آفریدی کی منگنی 2 سال قبل قومی کرکٹ ٹیم کے سابق کپتان شاہد آفریدی کی بیٹی انشا آفریدی کے ساتھ ہوئی تھی تاہم اب پی ایس ایل شروع ہونے سے قبل فروری میں شاہین آفریدی اور انشا آفریدی کی شادی کی تاریخ طے پا گئی ہے۔
قومی ٹیم کے فاسٹ باؤلر شاہین آفریدی 3 فروری 2023 کو رشتہ ازدواج سے منسلک ہو جائیں گے اور اس وقت دونوں خاندان شادی کی تیاریوں میں مصروف ہیں۔
ذرائع کے مطابق شاہین آفریدی کا نکاح تو فروری میں ہو جائے گا لیکن رخصتی بعد میں ہو گی۔ نکاح کی تقریب کراچی میں ہو گی جو قبائلی روایات کے تحت سادی سے ہو گی۔
